تركي عاشقانه لر

قدرت عشق....

عئشقدیر آیینه-یی حوسنو موجه‌للا ائیله‌یه‌ن

دیده-یی عوششاق ایله آنی تماشا ائیله‌یه‌ن

عئشقدیر زنجیر ائده‌ن عوذرا و لئیلی زولفونو

وامیق-ی آشوفته و مجنون`و شئیدا ائیله‌یه‌ن

عشقدیر وار ائیله‌ین یوخدان پئیمبر آدمی

سونرا دا آدم اوچون توپراغی حوا ائیله‌ین

عشقدیراعجاز ایله یئرله گؤیو بیرله‌شدیرن

سونرا دا دریا دؤشونده شمسه ماوا ائیله‌ین

ذره ذره عشقدیر ذراتِ ذراتا آخان

عالَمی ذرّه قیلان، ذرّاتی دونیا ائیله‌ین

کائناتین ارکانی البته عشقه باغلی‌دیر

عشقدیر کون و مکان ارکانی برپا ائیله‌ین

عشقدیر مجنونو مجنونلوقدا بدنام ائیله ین

یا کی خوش منظر بیرین مجنونا لیلا ائیله ین

عشقدیر بیدار ائدن نفس نفوس عالمی

نفس طغیانکار ایله عالمده بلوا ائیله ین

عشقدیر نور ضیانی بخش ائدن عاشیقلره

چؤلده سرگردان گزه‌ن چوپانی موسا ائیله‌ین

عشقدیر هئچ دورمادان شمعین گؤزوندن پوسکورن

هم یانان هم یاندیران هم ده تماشا ائیله‌ین

غونچه‌نی خندان قیلار رقصان ائدر گوز یرپاغین

عشقدیر البته کی، بیر بئیله غوغا ائیله‌ین

شکوه لی سوز

بیلمم نیه هر یاندا بلا پس بیزی توتدی

هر بیر یانار اوت دوشدی گولستانی قوروتدی

بیلمم نیه نعمت بولاغین قاینادان الله

یوسقوللاری بس بیر بیله نعمت دن اونوتدی

بیلمم نیچون یوسوفه حُسنی ورن الله

عشق آتشینه قلب ذولیخانی چوروتدی

دوستلار نه خطا ایلدی دوستلوخدان علاوه

دوست اوستونه دوشمنلری دائم یوگوروتدی

دولتلیه رضواندی جهان یوخسولا زندان

ایپ سالدی بو یوخسوللاری زندانه سوروتدی

صابر اشیدیپ بو سوزی باخدی منه گولدی

عرض اتدی بالا بیزلری بیگانه چوروتدی

احساسیله اویناتدی بیزی عقلیمیز آزدی

ئوزباشینا بو میللتین ئوز داشینی سورتدی

پابند اولوپ بس کی خرافاته مسلمان

غفلتده گالیپ چشمه ی تقوانی چوروتدی

بیگانه چالیپ لای لایه خلق یوخلادی یاتدی

ئوز بارماقینی میللتین ئوز گوزونه دورتدی

هرنه آغری، درد گله لذّتدی یاردان عاشیقه

فخردیر، یارین یولوندا اولسا قوربان، عاشیقه

گزسه گر اؤزباشینا جنتّده، دوستاقدیر دئمک

یاخالانسا یار اوچون جنّتدی زندان عاشیقه

وار-یوخوندان، دونیاسیندان ال چکر جانان اوچون

نه اؤنملی گؤوده دیر، نه روح نه جان عاشیقه

باغلاسا ایلقار قووشماق شرطی(مقصدی) ایله یار ایله

قورخو یوخ توپدان، توفنگدن یاکی داردان عاشیقه

هر اودا-سویا آتار اؤزون، راحاتلیق بکله مز

توپراق اولموش دؤشه یی، گونش سه یورقان عاشیقه

کندی کؤنلونده بولار آرتیق او یارین مسکنین

ایشته قیبله، ایشته کعبه هریئر، هریان عاشیقه

ال-ایاقدان، گؤز-قولاقدان، دیل-دوداقدان یار یاغار

مات قالارسان دئیه سن تانری یا انسان عاشیقه!